Mudo dhan 3 sano ka hor ayey eheyd markii ciidan Yuhuudda ah ay isga baxeen deegaano dhowr ah oo ay ka haysteen Marinka Gaza, ka dib ku dhawaad 30 sano oo ay haystaan goobahaasi. hasayeeshee jihaad dheer ka dib waxa ay muqaawamada reer Falastiin ay ciidamada yuhuudda ku qasbeen in ay isaga baxaan dhamaan goobihiin ay ka haysteen Marinka Gaza, bishii Sibtmper ee 2005.
markaasi oo Ra’iisal wasarihii hore ee yuhuudda Aryal Sharun uu ka quustay in uu dib ugu soo laabta Marinka Gaza, asiga oo xooga saaray heysashada Daanta Galbeed oo ilaa iyo hada gacanta Yuhuudda ku jirto.
In kasta oo ay ciidamada yuhuudda ay isaga baxeen deegaanka Gaza, hadana taasi ma eheyn mid hor seeday in gabi ahaan ay Gaza ka madaxbanaantahay heysashada yuhuudda, oo iyaga heeysta dhulakii kale ee Falastiin, taasi oo uu macnaheedu yahay in ay Yuhuudda koontaroolayso dhamaan marinada ay Gaza aduunka kale xiriirto marka laga reeba Marinka Rafax oo ku yaal xadka u dhaxeeya Gaza iyo Masar.
WEERARO GAADMO AH
Mar hadii ay Yuhudda ku fashilantay in ay hubka ka dhigto dadka reer Gaza, gaar ahaan ururka Xamaas oo ah xaraka si weyn uga soo horjeeda Yuhuudda, ayaa waxa ay Israa’iil sii waday weeradeeda gaadmada ah oo ay ku hayso marinka Gaza kuna beegsanaysay hogaanka Xamaas,
hasa yeeshee duqeymahaas oo xiliyo kala duwan dhacayay khasaarooyin badana geeystay oo ay Xamaas ku weeysay hogaamiyaal sar sare sida Sheekh Axmed Yasin oo ahaa ninkii aasaasay Xamaas, hadana taasi ma eheyn mid wax tar u leh yuhuudda, oo waxaa sii batay naceybka looqabo yuhuudda,waxaa sidoo kale kordhay weerarada ay Muqaawamada Falastiin la beegsanayaan goobaha ay Israa’iil xoogga kaga haysato dadka Falastiin iyo waliba hoowlaha naf hurnimada ah.
MARXALAD CUSUB
2006 bishii labaad waxaa ka dhacay dhulka Falastiin gaar ahaa Gaza iyo Daanta Galbeed doorashooyin baarlamaani ah. doorashooyinkaas oo ay ururo badan ku tartamayeen, ayaa waxaa ugu cad cadaa labada Urur ee kala ah Xamas iyo Fatax oo ah labo Urur oo si weyn isaga soo horjeedda siyaasad ahaan, doorashooyinkaas oo ay goob joogayaal ka ahaayeen kormeerayaal caalami ah oo uu horkacayay Madaxweeynihii hore ee Mareynkanka Jemy Carter, ayaa waxaa si weyn ugu soo baxay Ururka Xamaas oo helay kuraas dhan 74, ayada oo tirade guud ee kuraasta golahaasi ay tahay 132 kurisi.
Gushaan balaaraan ayaa waxa ay eheyd mid lama filaan ah oo xitaa Xamaas lafteeda sedan uma filayn, hase yeeshee kormeeriyaashii caalamiga ahaa ayaa waxa ay isku raaceeyn in ay ahaayeen doorashooyinkaan kuwo dimoqraadi ah oo u dhacday si hufan taasi oo aan wali ka dhicin dunida Carabta.
Ka dib jiitan xoogan oo ha kad galiyay in la dhiso xukuumad wadaag ah oo ay u dhanyihiin dhamaan Ururada Falastiina ayaa waxa la unkay Xukuumad midnimo Qaran 8-2-2007, ka dib markii la diiday xukuumada ay Xamaas soo dhistay bishii March 2006.
hasa yeeshee xukuumadaan cusub oo ay u dhamaayeen dhamaan qeybaha siyaasada ee Falastiin ma noqotay mid ay Israa’iil aqbashay dunidana raali ku noqotay. waa su’aal aan kaga jawaabi doono faaladeena qeybta 2aad hadii Alle idmo.
.gif)
Home